迅狐 shunryu

武漢肺炎打擊經濟之下，全球各國都大開印鈔機，這種暴力救市的力度有幾瘋狂？ 惠譽（Fitch）研究報告 指，為應對武漢肺炎，全球量寬政策已達到前所未有的規模，美、中、加等20國直接財政刺激措施總值達5萬億美元，佔去年全球GDP約7%。目前，全球量寬規模已遠超2008年金融海嘯，當時發達經濟體量寬措施佔GDP約3%至4%。 所以， 迅狐 常說：量寬印鈔，鈔票一定貶值。不要質疑樓、股為何長期升升升，因為數字遊戲，價值是相對的，只是因為現金跌跌跌。現金的名義價值／面值沒變，但實際價值（與其計核心通脹率，不如計買到多少資產）跌得很多。2008之後的新遊戲規則是，在大量印鈔下，即使資產實質價值持平，但如果現金實質跌5成的話，那麼資產（以現金形式表達出來的）名義價值上仍可升1倍 。大印鈔之下，國家還債息輕鬆了，權勢者資產值保障了，大企業不倒下，就業保住了。對於政客和權貴都是何樂不為的事。透支的是，債權人的實際債息，稀釋了的現金存款，以及普通平民薪水的實質購買力。因此，不要再把錢都放到銀行做定存，必須持資產（股債樓黃金商品都好）對沖現金貶值。 以下提供一些6月全球各國印鈔救市的概況更新： 一、 美國 FED(15/6) ： 部署2,500億美元 通過SMCCF 購買市場上各級公司債 (corporate bonds) 。FED本來3月已宣布會購買公司債ETF，今次更指會大量直接購買各種評級的公司債。 FED表示會創建一個「廣泛、多元化的公司債市場指數」 ，並因應該指數創建一個公司債portfolio，大幅提升購買規模。另外亦部署了5,000億美元，將來通過PMCCF購買一手公司債。 美國政府(16/6) ： 彭博社報導 ，美國政府正準備一項 近1萬億美元的基礎設施方案 ，推動世界上最大的經濟復甦，投資範圍包括道路、橋樑、5G無線基礎設施等。 二、 日本 日央行(16/6) ： 對現金短缺公司貸款 規模由上月宣布的約7,000億美元提升至 1萬億美元 。 三、 歐洲 歐央行(4/6) ： 疫情買債計劃加碼6,000億歐元 ，即總額合共1.35萬億歐元 （3月份已宣布買政府債7,500億歐元）。計劃期限從2020年底， 延長至2021年6月 ，或者直到該行認為疫情結束。 四、中國 人行(1/6) ： 4000億元人民幣再貸款 專用額度，通過創新貨幣政策工具，按照一定比例， 購買符合條件

兩年前，中美貿易戰開展，好多人已經開始留意咩地方受益，其中一個就係越南，憧憬有九千幾萬人口的越南可以接收大量由中國撤出的工廠訂單同外國直接投資。 如今，形勢已經去到中美decoupling，甚至新冷戰。由一向左右逢源嘅英澳加的態度變化睇到，Five Eyes今次似乎頗大決心企硬。 咁，如果我想投資越南，但買越南樓又 怕外匯管制，當地批唔到mortgage，外國人買樓諸多限制 ，仲有咩其他方法呢？ 一、直接買越南股 可以在越南證券行遙距開設股票戶口for foreingers，例如去歷史較長、規模較大的 Saigon Securities Incorporation (SSI) ，或者台灣人開的、有中文介面的 富鑫證券 （非打手）。最近興講走資，越南股票戶口作為offshore account，匯錢過去都係走資（不過越南都係有外匯管制嘅共產黨國家，自己諗）。 股票方面，可以留意－ ． Vinhomes (VHM)：當地最大房地產發展商。睇好越南樓，當然係買最直接相關的大地產股。 ．Vincom (VRE)：當地最大零售購物商場。VHM同VRE加埋，可以理解為越南新鴻基地產（00016.HK）。 ． Vingroup (VIC)：VHM同VRE的母公司。百足咁多爪的綜合企業(conglomorate)，可理解為越南（舊時）長和(00001.HK)（不過長和已經變成concentrate 歐英澳加，Vingroup就仍然扎根當地），生意包括房地產、商場、酒店、零售、智能手機、汽車、醫療、教育… 包羅萬有。 Source: Vingroup 2020Q1 Earnings Presentation 二、隔山買ETF 最簡單可以經港股戶口，可以投資 Xtrackers 富時越南掉期 UCITS ETF (03087) 。呢度ETF係透過掉期交易(Swap)追蹤「富時越南指數」。 「富時越南指數」weighting如下。Top 2 & 3係越南新鴻基（00016.HK）組合- VHM同VRE，合佔28.5%。 2. 另一隻香港上市的越南ETF係 Premia MSCI越南ETF (02804) ，追蹤「MSCI 越南淨總回報指數」，較側重房地產。Vingroup、Vinhomes、Vincoms合佔41%。詳細持股如下： Holdings of #2804 as o

作為一個香港人，無論在任何一間金融機構開本地銀行戶口(e.g. HSBC)，或離岸銀行戶口(e.g. HSBC global banking)，開美股戶口(e.g. IB)，或離岸美股戶口（e.g. Charles Swab, Firstrade)，甚至在Medium等開收費戶口，都被要求 填寫W8-BEN（非美國公民-個人）、W8-BEN-E（非美國公民-機構）或W9（美國公民） 。 因為，美國在2014年推出「外國賬戶稅務合規法案」 (FATCA) ，俗稱 「全球徵稅」 ，旨在防止美國納稅人利用非美國金融機構及離岸投資工具逃避美國稅項。 這份表格，一旦不小心填錯了，一來一回，就浪費了寶貴的時間和心機，也延遲了成功開戶的時間。那麼，這份W-8BEN應該怎樣填呢？以下是一個示範。 W8-BEN FAQ： 第2點的“Country of citizenship”和第9點的“beneficial owner of a resident of”，都是 填“HONG KONG”或“HONG KONG, CHINA”， 而不是只填“CHINA”，因為這裡是在評核你的司法管豁區（jurisdiction）是否美國的稅務減免互惠國，而香港是獨立的司法管豁區。 最多人有疑問的，是第6點 “Foreign Tax Identifying Number (TIN)”。網上竟然有些人教人填寫香港稅務局稅單上的稅務編號……千萬不要這樣做！根據經合組織（OECD）的定義（見下圖）， 香港人的Tax Identifying Number (TIN)是身份證號碼（HKID number）；而填寫W8BEN-E的香港企業/機構，就該填寫商業登記證（Business Registration，BR）號碼 。 Source: OECD https://www.oecd.org/tax/automatic-exchange/crs-implementation-and-assistance/tax-identification-numbers/Hong-Kong-TIN.pdf

2020年，港股受社運、疫情、中美decoupling夾擊下跌了不少，以致不少優質公司的股價和實際資產值出現大折讓，尤其是地產公司，好多P/B ratio已低過0.6。代入大股東角度，估值咁低，不如私有化。尤其今年時局變遷，正值港資退場，中資進場。 事實上，2020年2月，會德豐(00020)私有化九龍倉集團 (00004)。Offer係1股九倉($19.7)＋1股九倉置業($40.2)＋每股現金12元（以宣布前收市價計算） = $71.9，對比當時00020股價$47.25元，有 52%溢價 。2020年3月，利豐私有化offer是1.25元， 溢價高達150% 。 如果在私有化計劃公布前買入，可以 (A) 公布後股價急升即刻出貨獲利，或 (B) 博私有化成功通過贏到盡。 另一邊廂，大股東亦好著數。吳光正家族只需要81億cash+股票，千億市值資產就袋入自己袋。可以話係雙嬴嘅玩法！咁點解大股東唔攞盡D？因為，如果offer太差，公眾股東可以唔接受offer投反對票，咁成單私有化就可能泡湯。除非，大股東同利益一致人士已經掌握左絕大部分嘅股權，確保投票必通過。                                                                       Ultimatum Game（最後通牒博弈）：理論上，有$100俾兩個人分，如果A決定點樣分配依$100，B只能夠揀要定唔要。如果B唔同意分配方法，兩個人就只會得到$0。A只需要將$1俾B，自己袋$99，B都會應承，因為袋住$1先好過$0。但係，實驗證明，A要分配足夠資源俾B，先可以通過方案。 因為，動物天性係重視fairness既。心理學實驗證明，分配唔同飼料俾兩隻馬騮，收到較差飼料嘅馬騮會忿怒（*）。所以，先有黃子華既「魚蛋論」，乃至「攬炒」依個concept。 另一篇有詳細講呢個concept: 點解要「攪炒」－從資源分配和人類理性說起 https://shunryu208.blogspot.com/2020/05/blog-post.html *Frans de Waal: Moral behavior in animals馬騮實驗 所以話，買資產估值低殘嘅股票，搏私有化，tip中的話升幅可以好大。問題係，邊一隻會成為下一隻私有化？ 迅狐 認為，以下幾隻英資/ 港資

一、最近，有朋友話：「每次恒指市盈率跌到10左右，都係買入盈富基金(02800)時機，所以依加(2020年4月)係時候掃貨」。 二、OK，咁迅狐就用數據驗證下，做好簡單嘅backtesting。唔想睇咁長，可以直接跳去（七）。 三、原來，由1998年至今，總共只有27個月份恒指市盈率跌穿10。依27個月可以分為5段低谷期，歷時介乎2至7個月，平均每段5個幾月（唔計2020年3月今次，因為未完）。紫色係恒指市盈率跌穿10第一個月，綠色係升穿10第一個月。 四、依5段時期，都係大家熟悉嘅大跌市：1998年亞洲金融風暴後期，2008-09年金融海嘯，2012年歐債危機，2015年中國股災。別人恐懼你貪婪，如果依5段時期買入，今日睇返的確都係賺唔少。 五、不過，再微觀D咁睇，恒指市盈率一跌穿10（第2張圖紫色線），未必一定係買入盈富基金嘅最好時機。2011年和2012年在紫色線買入盈富基金，都是唔錯嘅買入點。但係，1998、2009同2015年，如果P/E一跌穿10時即刻買入，都要先承受一段跌幅。 六、相反，如果等到綠色線（恒指市盈率回升穿10）先買入盈富基金的話，嬴面就好大。 七、結論係，俾D耐性，係恒指市盈率跌穿10之後的2至7個月內，密切留意著幾時升返穿10，一升穿就真係掃盈富基金嘅最佳時機啦。 ＊Backtesting結果不保證將來表現。 恒生指數P/E (1998–2020 Apr) 恒生指數 (1998–2020 Apr) 至於HSI P/E的數據，可以在恒生指數有限公司官方網站找到。 Hang Seng Index es Hang Seng Indexwww.hsi.com.hk